Kultura

EZ GAUDE OSO ABERATS DIRUZ, EZTA ERE OINETAKOZ

Santa Ageda bezperan kantuan egiteko ohitura mantentzen dute oraindik Eskoriatza eta Aretxabaletako kintoek. Aurten ere, auzoz auzo eta etxez etxe kantuan ibiliko dira neska-mutil koadrilak.

Bertso berriak Eskoriatzan

Azkenengo urteetan, Jose Aranburuzabala Trankil-ek asmatutako hainbat bertso ikasi eta kantatu izan dituzte Eskoriatzako Santa Ageda neska-mutilek, baina aurten, berrikuntza moduan, moldaketa batzuk egin dizkiote Haizea eta Oihana Arana ahizpek.

Santa eskean aritzeko bi bertso berri eta bakarra agur moduan asmatu dituzte.

Santa eskean kantatzeko bertsoak

Usadioa galdu ez dadin
gure herri inguruan
Eskoriatzako kinto guztiok
gabiltza gogoz kantuan
hain egun seinalatuan
eskeko koplak ahuan
garai bateko arbaso zaharrek
egiten zuten moduan

Nola ez garen ahots on eta
txanpon gehiegiren jabe
jasoko dugun edozerekin
oso eskertuta gaude
emana gutxi bada be
laster eingo dugu alde
baina ez zazu aterik itxi
limosnarik eman gabe
Agurra
Egun guztia pasako dugu
kalez kale atez ate
beraz eskerrak eman ta laster
goaz hemendik aparte
borondatea ikusi eta
kejarik ez dugu bape
aurrerantzean ederto bizi
agur ta ikusi arte

Albistea Goiena-n.
Mingainak Dantzan

Author Mingainak Dantzan

More posts by Mingainak Dantzan

Leave a Reply

*